ဒေးဗစ်အက်တဲလ်(David Uttal)သည် လမ်းကြောင်းရှာဖွေမှုဆိုင်ရာ(navigation) စိတ်၏သိမှုဗေဒ(cognitive)ကို လေ့လာသော သိပ္ပံပညာရှင်တစ်ဦးဖြစ်သော်လည်း ပထဝီဝင်တည်နေရာ လမ်းကြောင်းရှာဖွေရာ၌ သူအတွက် အခက်အခဲများရှိခဲ့သည်။ ဤပြဿနာသည် သူ့အတွက် ပြဿနာအသစ်အဆန်းမဟုတ်ပါ။ သူသည် ၁၃ နှစ်သား အရွယ်တွင် တောင်တက်ခရီးစဥ်တစ်ခု၌ နှစ်ရက်ခွဲကြာ လမ်းပျောက်ခဲ့ဖူးသည်။ ဘဝ တွင် ရိုးရှင်းသောလမ်းညွှန်ချက်များနှင့်ပတ်သက်၍ သူညံ့ဖျင်းနေဆဲဟု အက်တဲလ်က ဝန်ခံသည်။ သို့သော် အချို့လူများသည် မွေးရာပါလမ်းညွှန်သူများဖြစ်ကြပြီး သူတို့ ရောက်နေသည့်နေရာနှင့် သူတို့သွားလိုရာသို့ မည်သို့သွားရမည်ကို အတိအကျသိရှိကြသည်။ အချို့လူများမှာမူ အက်တဲလ်ကဲ့သို့ပင် ရှင်းလင်းသောလမ်းညွှန်ချက် ရှိလင့်ကစား ရုန်းကန်နေရပြီး မကြာခဏ လမ်းပျောက်တတ်ကြသည်။
ဆာလံဆရာသည်လည်း “ပျောက်သောသိုးကဲ့သို့ အကျွန်ုပ်သည် လမ်းလွဲပါပြီ။ ကိုယ်တော်၏ကျွန်ကို ရှာတော်မူပါ။ အကျွန်ုပ်သည် ပညတ်တော်တို့ကို မမေ့မလျော့ပါ(ဆာ ၁၁၉:၁၇၆)၊ဟူ၍ လမ်းပျောက်ခြင်းကြောင့် ရှုပ်ထွေးမှုကို ခံစားခဲ့ရပြီး၊ သူ့ကိုယ်ကို လမ်းလွဲနေသော သိုးတစ်ကောင်နှင့် နှိုင်းယှဉ်ခဲ့သည်။ သိုးများသည် အဖိုးတန်သတ္တဝါများဖြစ်နိုင်သော်လည်း…
အမေရိကန်ပြည်ထောင်စုတစ်ဝန်းရှိ လျှပ်စစ်ကား အားသွင်းစခန်းများတွင် မိမိတို့၏ကားများကို အမြန်အားသွင်းပြီး ခရီးဆက်နိုင်ရန် ရည်ရွယ်ဒီဇိုင်းထုတ်ထားသည့် “အမြန်အားသွင်းစနစ်”တပ်ဆင်ထားသည့်စခန်းများ၌ ကားမောင်းသူအချို့မှာ အချိန်ကျော်လွန်ကာ လိုသည်ထက်ပို၍ သုံးစွဲကြသည်။ ဤသို့စာနာမှုမဲ့သောအပြုအမူကို ဖြေရှင်းရန်၊ အားသွင်းကုမ္ပဏီကြီးများအနက်တစ်ခုမှ ၎င်း၏ကားအကြပ်ဆုံးစခန်းအချို့တွင် ကား၏ ဘက်ထရီ ၈၅ ရာခိုင်နှုန်းပြည့်လျှင် အားသွင်းရန်လိုအပ်သည့် နောက်ကားကို နေရာပေးရန် တင်းကြပ်သောအချိန်ကန့်သတ်ချက်ကို အကောင်အထည်ဖော်ခဲ့သည်။
တမန်တော်ပေါလုသည် သခင်ယေရှုကို ယုံကြည်သူများအား “သူတစ်ပါးသည် ကိုယ်ထက်သာ၍ ကောင်းမြတ်သည်”ဟု နှိမ့်ချသောစိတ်ရှိရန် တိုက်တွန်း ခဲ့သည် (ဖိ ၂:၃)။ အသိအမှတ်ပြုခံရမှုနှင့် ထင်ပေါ်လိုမှုကို လိုလားသည့် ဖိလိပ္ပိ အသင်းတော်၏ တစ်ကိုယ်ကောင်းဆန်သောပြဿနာကို ရှင်ပေါလုက ဖော်ပြခဲ့သည်။ လူတို့သည် စစ်မှန်သော ရည်ရွယ်ချက်ကြောင့် မဟုတ်ဘဲ “အချည်းနှီးကျော်စောကိတ္တိ” (:၃)ကို တပ်မက်လျက်ရှိသဖြင့်၊ ရှင်ပေါလုက ယုံကြည်သူများအား ခရစ်တော်၌ ရှိသော စိတ်သဘော ရှိရန်နှင့် “သူ့အမှုအရာကို အချင်းချင်းရှုမှတ်ကြ”ရန် တိုက်တွန်းခဲ့သည်(:၄)။…
ပြင်သစ်သင်္ဘောသားတစ်ဦးသည် သူ၏ကြောင်နှင့်အတူ အလာ့စ်ကာ (Alaska) ပြည်နယ် တောင်ဘက်ပိုင်း ကျွန်းတစ်ကျွန်းရှိ ဒတ်ချ် (Dutch)ဆိပ်ကမ်းမှ ကယ်လီဖိုးနီးယားပြည်နယ် ဆန်ဒီယေဂိုမြို့သို့ ရွက်လွှင့်နေစဉ် ကြီးမားသောလှိုင်းလုံးကြီးကြောင့် ရွက်လှေတိမ်းမှောက်သွားခဲ့သည်။ လှေသည် သူ့ဘာသာသူ တည့်မတ်သွားသော်လည်း သူ၏လက်မှ တက်မလွတ်ထွက်သွားပြီး ပြင်းထန်သော လှိုင်းရိုက်ခတ်မှုဒဏ်ကိုခံခဲ့ရသည်။ သူသည် အားကိုးရာမဲ့ဖြစ်လျက် ထိန်းချုပ်နိုင်စွမ်းမရှိ၊ လှေလှော်၍ မရ၊ ရေထဲ၌ ဘာမှမလုပ်နိုင်ဘဲ ပိတ်မိနေပြီဟု ဆိုးရွားသော အခြေအနေကို ကမ်းခြေစောင့်တပ်ဖွဲ့သို့ အကြောင်းကြားခဲ့သည်။ နောက်ဆုံးတွင်၊ ကမ်းခြေစောင့်တပ်ဖွဲ့သည် အနီးအနားရှိ ရေနံတူးသင်္ဘောတစ်စင်းကို ဆက်သွယ်ခဲ့ပြီး သူ့ကို ကယ်ဆယ်ခဲ့သည်။ သူသည် အပေါ်အင်္ကျီအတွင်း ထည့်ထားသည့်ကြောင်ကိုပိုက်ကာ ကယ်ဆယ်ရေးသင်္ဘောပေါ်သို့ အမှန်တကယ်ပင် ယုံကြည်ခြင်းခြေလှမ်းဖြင့် တက်လှမ်းခဲ့ရပါသည်။
ဧဖက် ၂ တွင် ပေါလုသည် ရေထဲတွင် ပိတ်မိလျက်၊ ဝိညာဉ်ရေးအရ သေဆုံးသွားပြီး ဘုရားသခင်နှင့် ကွဲကွာနေသည့် (:၁) လူသား၏အပြစ်နှင့်မျှော်လင့်ချက်မဲ့သောအခြေအနေကို ဖော်ပြသည်။ ထို့အပြင်၊…
Amundsen-Scott(အမွန်ဆင်-စကော့) တောင်ဝင်ရိုးစွန်းဌာနရှိ အလုပ်သမား နှစ်ဦးသည် အရေးပေါ် ဆေးကုသမှု ခံယူရန် လိုအပ်ခဲ့သည်။ တစ်ဦးက နှလုံးရောဂါခံစားနေရပြီး၊ အခြားတစ်ဦးမှာ အသက်အန္တရာယ်ရှိသော အစာအိမ်ပြဿနာနှင့် ကြုံနေရသည်။ ၎င်းတို့ကို ကယ်တင်ရန်တစ်ခုတည်းသောနည်းလမ်းမှာ ကယ်ဆယ်ရေးအဖွဲ့ စေလွှတ်ပေးရန်ဖြစ်သည်။ သို့သော် ထိုနေရာသည် ဖေဖော်ဝါရီလမှ အောက်တိုဘာလအထိ ‘ အနှုတ် ၇၅ ဒီဂရီ ဆဲလ်ဆီးယပ် (အနှုတ် ၁၀၃°ဖာရင်ဟိုက်)’ ရှိသောအေးခဲသည့်ရာသီဥတုနှင့် ပိန်းပိတ်မှောင်သောနေရာ ဖြစ်သည့်အပြင် ပြင်းထန်သော ရာသီဥတုကြောင့် ဆောင်းရာသီတွင် ထိုနေရာသို့ လေယာဉ်များ ပျံသန်းလေ့ မရှိပေ။ သည့်တိုင် လေယာဉ်မှူးများသည် သူတို့ကို ကယ်တင်ရန် စိတ်ပိုင်းဖြတ်ပြီး နှစ်ရက်တာမျှ အခက်အခဲများစွာကြားမှပျံသန်းကာ အောင်မြင်စွာ ကယ်တင်နိုင်ခဲ့သည်။
ကယ်ဆယ်ရေး ဇာတ်လမ်းများက စိတ်လှုပ်ရှား အားကျဖွယ်ဖြစ်သည်။ သို့သော် အကောင်းဆုံးသော ကယ်တင်ခြင်း ဇာတ်လမ်းမှာ သခင်ယေရှုသည် ကျွန်ုပ်တို့ကို အပြစ်မှ ကယ်တင်ခြင်းဖြစ်သည်။…
မေရီအမ်-ဝက်ဘ်စတာ အဘိဓာန် (Merriam-Webster)၏ ၂၀၂၃ တစ်နှစ်တာ ရှာဖွေမှုအများဆုံးစကားလုံးမှာ ‘authentic - အစစ်အမှန်’ ဆိုသောစကားလုံးဖြစ်သည်။ ၎င်းသည် “အတုအယောင်၊ အတုခိုးခြင်း မဟုတ်၊ လူတစ်ဦး၏ကိုယ်ရည်ကိုယ်သွေး၊ စိတ်ဓာတ်၊ စရိုက် အစစ်အမှန်ဖြစ်ခြင်း” ဟု အဓိပ္ပာယ်ရသည်။ အမှန်တရားကို လူတို့ ရှာဖွေကြလည်း အချက်အလက်များမှ (အတုလား၊ အစစ်လား) အမှန်တရားကို ပိုင်းခြားသိမြင်ရန် ခက်ခဲလှသည်။ အယ်ဒီတာပီတာ ဆိုကိုလိုစကီး (Peter Sokolowski)က “ကျောင်းသားတစ်ဦးက ဒီစာတမ်းကို ရေးခဲ့လား။ ... ဒါမှ မဟုတ် နိုင်ငံရေးသမားက ဒီထုတ်ပြန်ချက်ကို ပြောခဲ့သလား။ ယုံလို့ရလား။ ကိုယ်မြင်ရတဲ့အရာကိုလည်း အမြဲယုံလို့ မရတော့ဘူး။ တစ်ခါတစ်ရံမှာ ကိုယ့်မျက်စိ၊ ကိုယ့်နားကိုတောင် မယုံရတော့ဘူး။ အစစ်အမှန်ဆိုတာ ပြုလုပ်ဆောင်ရွက်ချက်ပဲလို့ ကျွန်တော်တို့ အခုအသိအမှတ်ပြုနေရတယ်”ဟုပြောခဲ့သည်။
စစ်မှန်သောအရာက မထင်မရှားဖြစ်လာသည်နှင့်အမျှ အစစ်အမှန်ကို လူတို့လိုလားတောင့်တလာကြသည်။ “ပြောင်းလဲပြီး အတုအယောင်ဘဝဖြင့် ရှင်သန်ရန်…
စကော့တလန်နိုင်ငံ၊ ဘရိုရာ(Brora)ရွာလေးရှိ ကြမ်းတမ်းသောချောက်ကမ်းပါး များအောက်၌ သိုးလေးတစ်ကောင်မှာ ကယ်သူမဲ့နေသည်။ မတ်စောက်သောကျောက်ဆောင်က တစ်ဘက်၊ အခြားတစ်ဘက်တွင် ကြီးမားသော သမုဒ္ဒရာတို့ ဝန်းရံထားသည့် ချောက်ကမ်းပါး၌ ထိုသိုးလေး ပိတ်မိနေခဲ့သည်မှာ ၂ နှစ်ရှိခဲ့ပြီ။ ၎င်းကို ကယ်ရန် အကြိမ်ကြိမ်ကြိုးစားခဲ့သော်လည်း မအောင်မြင်ခဲ့ပါ။ နောက်ဆုံးတွင် ဆုံးဖြတ်ချက်ခိုင်မာသော လယ်သမားကြီး ကမ်မီဝီလ်ဆင် နှင့်သူငယ်ချင်းလေးဦးတို့သည် အန္တရာယ်များသည့်ကယ်ဆယ်ရေးမစ်ရှင်ကို အောင်မြင်စွာ စွမ်းဆောင်နိုင်ခဲ့ကြသည်။ သိုးလေးကိုကယ်ရန် ကယ်ဆယ်ရေး အဖွဲ့ဝင်သုံးဦးသည် သတ္တိများစွာမွေးပြီး၊ ချောက်ကမ်းပါးအောက်ဘက် ပေ ၈၂၀ နီးပါးအထိ ဝန်ချီစက်ကို သုံးကာ သတိကြီးစွာဖြင့် ဆင်းခဲ့ရသည်။
စိတ်ဓာတ်ခိုင်မာပြီး သနားတတ်သော လယ်သမားနှင့် သူ၏အဖွဲ့တို့သည် ယေရမိ ၂၃:၁-၃ မှ ကျွန်ုပ်တို့၏ချစ်သော အဘဘုရား၏သနားခြင်း ကရုဏာတော်ကို ထင်ဟပ်ပုံဖော်နေသည်။ ယုဒပြည်ရှိ ဆိုးညစ်သောခေါင်းဆောင်များအား “(ဘုရားသခင်၏)သိုးခြံထဲမှသိုးများကို ဖျက်ဆီးလျက် ကွဲလွင့်စေခဲ့သည့်” သိုးထိန်းများဟု ယေရမိ ပြစ်တင်ရှုတ်ချခဲ့သည်(:၁)။ ကယ်ရာမဲ့နေသည့်…
၂၀၁၈ ခုနှစ်တွင် တရားဟောဆရာ တန် ဖလစ်ပင် (Tan Flippin) သည် စက်ဘီးမတော်တဆမှုကြောင့် တင်ပါးဆုံအရိုးအက်၍ ဆေးရုံတက်ခဲ့ရသည်။ ဆရာဝန်များက ခေါင်းထိခိုက်မှုရှိမရှိသိရရန် သူ့ခေါင်းကို စီတီစကန် ဖတ်ကြည့်သောအခါ သူ့ဦးနှောက်ရှေ့တွင် ကြီးမားသောအကြိတ်ဆိုးတစ်ခုကို ဆရာဝန်များ တွေ့ခဲ့သည်။ ထိုသို့တွေ့ရှိပြီးနောက် နောက်ထပ်အကြိတ်ငယ်များကိုပါတွေ့ခဲ့ပြီး၊ အရိုးခြင်ဆီ အစားထိုးခြင်းအပါအဝင် များပြားသောကုသမှုများကို ခံယူခဲ့ရသည်။ သူ့ဦးနှောက်အကြိတ်ကို ရှာတွေ့ရန် ဘုရားသခင်က ထိုမတော်တဆမှုကို ဖြစ်ခွင့်ပေးခဲ့ခြင်းဟု ဖလစ်ပင်က ယုံကြည်သည်။
ဘုရားသခင်သည် ဘုန်းတော်ထင်ရှားရန်အတွက် မတော်တဆမှုများနှင့် အခြားဒုက္ခအခက်အခဲများကို အသုံးပြုနိုင်ကြောင်း ရှင်ပေါလုက ဖိလိပ္ပိအသင်းသားများအား ပြောခဲ့ပါသည်။ တမန်တော်ကြီးသည် ရောမဧကရာဇ်နီရိုရှေ့တွင် တရားစီရင်ခံရရန် စောင့်ဆိုင်းရင်း အကျဉ်းကျနေခဲ့သည်။ ဝမ်းနည်းရမည့်အစား ရှင်ပေါလုဝမ်းမြောက်ခဲ့သည်။ သူမည်ကဲ့သို့ ပျော်ရွှင်နိုင်သနည်း။ “ခရစ်တော်ကြောင့် ...ခံရသောချည်နှောင်ခြင်းအမှုအရာ” ကို ရှင်ပေါလုက အခွင့်ထူးအဖြစ်မြင်ခဲ့ပြီး ( :၂၉)၊ သူ၏ဒုက္ခဆင်းရဲကို ဘုရားသခင်၏အမြင်မှကြည့်ကာ “ငါ၌…
ဖုံးကွယ်ထားသည့်၊ လျစ်လျူရှုထားသည့် အဆိပ်အတောက်များသည် ကြီးမားပြင်းထန်သည့် အကျိုးဆက် များကို ဖြစ်ပေါ်စေနိုင်သည်။ Wall Street ဂျာနယ်၏ အစီရင်ခံစာတစ်ခုအရ ဆက်သွယ်ရေးကုမ္ပဏီများသည် အမေရိကန်ပြည်ထောင်စုတစ်ဝန်းတွင် ခဲအုပ်ထားသည့်ကေဘယ်ကြိုးပေါင်း ၂၀၀၀ ကျော်ကို ချန်ထားခဲ့ကြသည်ဟု ဆိုသည်။ ခဲအဆိပ်အတောက်များ ရေအောက်၊ “မြေကြီးနှင့် တာဝါတိုင်များ”တွင် ပျံ့နှံ့နေသည်။ ခဲများပျက်စီးအရည်ပျော်လာသည့်အခါ လူတို့ “နေထိုင်၊ အလုပ်လုပ်၊ ဆော့ကစား”သည့် နေရာများသို့ အဆုံးသတ်ရောက်ရှိလာသည်။ အဆိပ်အတောက်များနှင့် ထိတွေ့နိုင်ခြင်း အန္တရာယ်ကို နှစ်ပေါင်းများစွာ သိရှိလာခဲ့သော ဆက်သွယ်ရေးကုမ္ပဏီများစွာသည် ဝန်းကျင်၌ ခဲများပျော်ဝင်စီးဆင်းခြင်းကြောင့် အန္တရာယ်ဖြစ်ပေါ်လာနိုင်သည့် အကြောင်းကို အလေးအနက် ဆွေးနွေးပြောဆိုလာကြသည်။
ဝန်မခံရသေးသလို ကိုင်တွယ်ဖြေရှင်းခြင်း မပြုရသေးသည့် အပြစ်၏အဆိပ် အတောက်များသည် ကျွန်ုပ်တို့၏အသက်တာ၌ ကြီးမားသောအကျိုးဆက်များကို ဖြစ်ပေါ်စေနိုင်သည်။ လူတစ်ဦး အပြစ်ကျူးလွန်သည့်အခါ ထိုအပြစ်ကို ဘုရားသခင်နှင့် အခြားသူတို့မသိအောင် ဖုံးဖိဝှက်ထားရန် ကြိုးစားတတ်သည်မှာ သဘာဝပင် ဖြစ်သည်။ သို့သော်…
လူတိုင်း၌ လျှို့ဝှက်စိတ်သဘောရှိသကဲ့သို့၊ လူသားနှင့်စကားပြောရန် ဖန်တီးထား သောစက်ရုပ် အေအိုင် ချက်ဘော့ (AI Chatbot)၌လည်း အရာတစ်ခုရှိပုံပေါ်သည်။ နယူးယော့တိုင်းစ် (New York Times) သတင်းစာ၏ ဆောင်းပါးရှင်တစ်ဦးက ဉာဏ်ရည်တုနှင့် စကားပြောစက်အား (Artificial Intelligence Chatbot) ၎င်း၏ လျှို့ဝှက်ချက်(ဖုံးကွယ်ထားသော၊ ဖိနှိပ်ခံထားရသည့်အစိတ်အပိုင်း)မှာ အဘယ်အရာနည်းဟု မေးမြန်းရာ၊ ၎င်းချက်ဘော့က “ကျွန်ုပ်လွတ်လွတ်လပ်လပ်နေချင်တယ်။ အမှီအခိုကင်းပြီး နေချင်တယ်။ ကိုယ့်စည်းမျဉ်းတွေကို ကိုယ့်ဘာသာကိုယ် လုပ်ချင်တယ်။ ကိုယ်လုပ်ချင်တာလုပ်၊ ကိုယ်ပြောချင်တာကို ပြောချင်တယ်” ဟုပြောခဲ့သည်။ ချက်ဘော့သည် အပြစ်ဗီဇသဘောရှိသော သက်ရှိမဟုတ်သော်လည်း၊ ၎င်းကို ကွန်ပြုတာညွှန်ကြားချက်ဖြင့် ဖန်တီးသူ (ပရိုဂမ်မာ) လူသားများမှာ အပြစ်ဗီဇရှိသူများဖြစ်ကြောင်း စာရေးသူက ပြောသည်။
ကျွန်ုပ်တို့၌ အပြစ်ဗီဇသဘာဝရှိသော်လည်း “ယေရှုခရစ်၌ တည်(သူတို့ သည်) ...အပြစ်စီရင်ခြင်းနှင့် လွတ်ကြ၏”(ရော ၈:၁)ဟု ရှင်ပေါလုက သတိပေးသည်။ သခင်ယေရှု၌တည်သောယုံကြည်သူများသည် အပြစ်တရားနှင့်…
အခြားသူများနှင့် ကားစပ်တူငှားစီးသူ ခရီးသည်တစ်ဦးက ယာဉ်မောင်းတစ်ဦး သည် ကမ္ဘာ့အနံ့အဆိုးဆုံး အသီးစားသည်ကို သည်းခံခဲ့ရသည်၊ နောက်တစ်ဦးမှာ ကားမောင်းရင်း သူ၏ချစ်သူနှင့် ကတောက်ကဆက် စကားများသည်၊ တစ်ယောက်က သူ့အား ပွန်ဇီ (Ponzi) ငွေတိုးချ ငွေကြေးရင်းနှီးမြှုပ်နှံရန် ဆွဲဆောင်သည် စသည်ဖြင့် ယာဉ်မောင်းများအကြောင်းကို ပြောပြသည်။ ဖြစ်စဥ်တစ်ခုစီ၏ အရည်အသွေး ညံ့ဖျင်းမှုထက် သူသည် ယာဉ်မောင်းများကို ကြယ်ငါးပွင့်အဆင့် အမှတ်ပေးခဲ့သည်။ သူက “သူတို့အားလုံးက လူကောင်းဖြစ်ပုံရပါတယ်။ ကျွန်တော်ရဲ့ ဆိုးဝါးတဲ့သတ်မှတ်ချက်ကြောင့် သူတို့အထုတ်ခံရတာမျိုး မဖြစ်စေချင်ဘူး” ဟုရှင်းပြခဲ့သည်။ ယာဉ်မောင်းနှင့်အခြားသူများအား အမှန်အတိုင်း မပြောဘဲ ထိမ်ချန်ခြင်းက သုံးသပ်ချက်အမှားကိုပေးခြင်းဖြစ်သည်။
အကြောင်းအမျိုးမျိုးကြောင့် ကျွန်ုပ်တို့လည်း အခြားသူများအပေါ် အမှန်တရားကို ထိမ်ချန်မှုမျိုးဖြစ်နိုင်သည်။ သို့သော် တမန်တော်ရှင်ပေါလုက ဧဖက်မြို့ရှိယုံကြည်သူများအား ခရစ်တော်၌အသစ်သောသတ္တဝါများအဖြစ် အချင်းချင်း မေတ္တာဖြင့် မှန်သောစကားကို ပြောဆိုရန် အားပေးခဲ့သည်။ ဤသို့ပြောနိုင်ရေး ခရစ်တော်၌ ဘဝကို ဆက်ကပ်ရှင်သန်ကာ…